КӨ (Климаттын өзгөрүшү) менен биологиялык ар түрдүүлүк жана чөлгө айлануунун ортосундагы байланыш

   Климаттын өзгөрүшү (КӨ) Кыргызстандагы биологиялык ар түрдүүлүккө жана чөлгө айлануу (опустынивание) процесстерине түз таасирин тийгизет. Орточо жылдык температуранын жогорулашы, мөңгүлөрдүн азайышы жана гидрологиялык режимдин өзгөрүшү экосистемалардын деградацияланышына, жайыттардын жана айыл чарба жерлеринин түшүмдүүлүгүнүн төмөндөшүнө, ошондой эле флора менен фаунанын көптөгөн түрлөрүнүн жашоо чөйрөсүнүн жоголушуна алып келет.
   Кыргызстан эки негизги эл аралык келишимдин катышуучусу болуп саналат: 

1. Биологиялык ар түрдүүлүк жөнүндө конвенция (CBD). Максаты: Биологиялык ар түрдүүлүктү сактоо, анын компоненттерин туруктуу пайдалануу жана генетикалык ресурстарды колдонуудан түшкөн пайданы адилеттүү бөлүштүрүү. 

• Кененирээк маалымат: Кыргыз Республикасынын Жаратылыш ресурстары, экология жана техникалык көзөмөл министрлиги.

mnr.gov.kg сайтына өтүү

1. БУУнун Чөлгө айланууга каршы күрөшүү конвенциясы (UNCCD). 

     Максаты: Жердин деградацияланышынын алдын алуу, жабыркаган экосистемаларды калыбына келтирүү жана кургакчылыкка карата туруктуулукту жогорулатуу. 

• Кененирээк маалымат: Кыргыз Республикасынын Айыл чарба министрлиги.

Кыргызстандын UNCCD боюнча отчеттору

   Ошентип, бул конвенциялар боюнча милдеттенмелерди аткаруу климаттын өзгөрүшүнө карата адаптациялануу менен тыгыз байланышта, ал эми Жаратылыш ресурстары министрлиги менен Айыл чарба министрлигинин ведомстволор аралык өз ара аракеттешүүсү жаратылышты коргоо саясатын ишке ашырууда негизги ролду ойнойт.